قصة قصيرة

زي ما قلت في العنوان القصة قصير ( قصيرة جدا ) بس شفت فيها من الرومانسية اكتر من اي قصة تانية
بدأ الموضوع في عيادة دكتور أسنان الدكتور خلص الكشف ورن الجرس علشان يدخل المريض التالي
التمرجي دخل المريض إللي عليه الدور وكان رجل في السبعينيات من عمره تقريبا
دخل على الدكتور جلس قدامه وطلبه كان غريب ( الكل بيقول في نفسه يا ريت الكتور ياخد وقته معايا ويبقى زعلان لو الدكتور خلص بسرعة ) قال: يا ريت يا دكتور تكشف عليا بسرعة لإني عايز أروح المستشفى.
طبعا كل علامات التعجب ظهرت على وش الدكتور وقال كلام طبيعي جدا لأي حد في موقفه: لما أنت يا حج هتروح المستشفى جاي هنا ليه.
الرجل ضحك وقال: لا يا إبني أنت فهمت غلط أنا رايح علشان مراتي محجوزه هناك من حوالي خمس سنين.
الكتور قال: من خمس سنين بتشتكي من إيه يا حج.
الرجل العجوز قال: بتشتكي من فقدان مؤقت للذاكره.
الدكتور أستغرب وقال: يا حج معنى إنها بتشتكي من فقدان للذاكره إنها مش فكرك بتزورها ليه بقى.
الرد إللي هيقوله الرجل العجوز أتمنى إن الكل يعيش معاه
الجل العجوز قال: مش مهم يا إبني إنها تبقى فكراني المهم إن أنا فاكرها أُمال أعيش ليه.

القصة أنتهت بس أتمنى زي ما قلت إننا نكون حسينا مدى الإخلاص والوفاء والحب إللي بان في كلمة الرجل ده
وأتمنى أكتر انها تعجبكم